БИДНИЙ ТҮҮХ
Либерал эмэгтэйчүүдийн оюуны сан ТББ нь 1992 онд байгуулагдсан нийгмийн ардчилал, шударга ёс, тэгш байдал, сайн засаглалыг бэхжүүлэх, хүний эрхийг хамгаалах тогтолцоог бий болгоход гишүүдээрээ дамжуулан хувь нэмрээ оруулах зорилготой, нийгэмд үйлчилдэг төрийн бус байгууллага юм.
Либерал эмэгтэйчүүдийн оюуны сан нь сургалт, судалгаа соён гэгээрүүлэх үйл ажиллагаа явуулдаг, дэргэдээ судлаачдын баг, залуучуудын клубтэй, нийгмийн бүлгүүдийн төлөөлөл болсон эмэгтэйчүүдээс бүрдсэн холбоо юм.
2021 оноос ЛЭОС- ийн дэргэдэх судлаачдын клуб нь “Эмэгтэйчүүд, залуучуудын оюуны сан-сургалт судалгааны төв” нэрээр үйл ажиллагаа явуулж байна
Либерал Эмэгтэйчүүдийн Оюуны Сан (ЛЭОС) байгуулагдсан цагаасаа шийдвэр гаргах түвшинд эмэгтэйчүүдийн оролцоог нэмэгдүүлэх, иргэний нийгмийн байгууллагыг чадавхижуулах чиглэлээр 31 дэх жилдээ тогтвортой үйл ажиллагаа явуулж байгаа бөгөөд өнөөдөр 21 аймагт салбар зөвлөлтэй болж өргөжин тэлжээ.
ЛЭОС–ийн салбар зөвлөлийн гишүүд, дэмжигчид улс орныхоо хөгжил дэвшилд хувь нэмрээ оруулж, нийгмийн сайн сайхны төлөө эх орны өнцөг булан бүрд бүтээлчээр ажиллаж байна.
Монгол улсад иргэний нийгэм төлөвшихөд хүчтэй нөлөө үзүүлэхүйц эмэгтэйчүүдийн ТББ-уудын үүсэн бий болоход ЛЭОС-ын оруулсан хувь нэмэр үнэлж баршгүй бөгөөд ЛЭОС-аас нийтдээ 36 Төрийн бус байгууллага салбарлан гарч үйл ажиллагаагаа явуулж байна.
Либерал Эмэгтэйчүүдийн Оюуны Сангийн дэргэд 1995 оноос “Залуу манлайлал клуб” “Залуу улс төрчдийн клуб”, “Залуу лидер эмэгтэйчүүдийн клуб”, 2018 оноос “Залуу судлаачдын клуб” ууд үйл ажиллагаа явуулж ирсэн бөгөөд энэ клубүүдээс “Эмэгтэй удирдагч сан”, “Бизнес Инкубатор төв”, “Карьер хөгжлийн хүрээлэн”, “Эмэгтэйчүүд, залуучуудын Оюуны сан сургалт судалгааны төв” зэрэг байгууллагууд төрөн гарсан юм.
ЛЭОС -ийн дэргэдэх “Эмэгтэйчүүд, залуучуудын Оюуны сан сургалт судалгааны төв” нь 2019 онд судлаачдын клуб хэлбэрээр байгуулагдан ЛЭОС- ийн төсөл хөтөлбөрүүдийн эрдэм, шинжилгээний судалгааны ажлыг дагнан гүйцэтгэж ирсэн.
2022 оноос “Эмэгтэйчүүд, залуучуудын Оюуны сан” сургалт судалгааны төв болж, НҮТББ хэлбэрээр улсын бүртгэлд бүртгүүлж, бие даасан хуулийн этгээдийн гэрчилгээтэй болсон.
ЭРХЭМ ЗОРИЛГО
Нийгмийн шударга ёс, эв нэгдэл, эрх чөлөө, тэгш байдлыг эрхэмлэн иргэдийнхээ сайн сайхны төлөө хариуцлагатай төр, сайн засаглалыг бэхжүүлэх, хөгжлийн бодлогыг тодорхойлох, хэрэгжүүлэхэд гишүүдээрээ дамжуулан хувь нэмрээ оруулах нь Либерал эмэгтэйчүүдийн оюуны сангийн эрхэм зорилго байна.
СТРАТЕГИЙН ТЭРГҮҮЛЭХ ЧИГЛЭЛ
- Хөгжлийн бодлогод эмэгтэйчүүдийн манлайлал
- Үндэсний болоод орон нутгийн хөгжлийн бодлогыг тодорхойлоход эмэгтэйчүүдийн манлайллыг нэмэгдүүлнэ.
- Эмэгтэйчүүдийн улс төрийн манлайлал
- Шийдвэр гаргах түвшинд эмэгтэйчүүдийн оролцоог нэмэгдүүлнэ.
- Иргэний нийгмийн мониторинг
- Төрд хяналт тавих, хариуцлага, ил тод байдлыг шаардахад эмэгтэйчүүд манлайлна.
- Хүний эрх, жендер, төрийн захиргааны шинэчлэлийн сургалт судалгаа
- Хүний эрх, жендер, нийгэм, боловсролын чиглэлийн сургалт, эрдэм шинжилгээний ажлыг хөгжүүлж, үр дүнг түгээн дэлгэрүүлнэ.
ҮНДСЭН ХӨТӨЛБӨРҮҮД
- “Үндэсний хөгжилд эмэгтэйчүүдийн манлайлал” хөтөлбөр
- Эмэгтэйчүүд, залуучуудын улс төрийн оролцоог дэмжих хөтөлбөр
- Төрийн албан хаагч эмэгтэйчүүдийн манлайллын хөтөлбөр
- Эмэгтэйчүүдийн эдийн засгийн чадавхийг бэхжүүлэх хөтөлбөр
2. “Иргэний нийгмийн хяналт мониторинг, иргэдийн хяналт”
- Нөлөөллийн үйл ажиллагаа
- – Чадавхийг бэхжүүлэх сургалт, хэлэлцүүлгүүд
- – Хамтын хөтөлбөрүүд
- 3. Хүний эрх, жендер, төрийн захиргааны шинэчлэлийн сургалт судалгаа
- Жендерийн дүн жинжилгээНийгэм, эдийн засгийн судалгаа, шинжилгээ
– Соён гэгээрүүлэх сургалт сурталчилгаа
1993-2024 он
- Эмэгтэйчүүдийн манлайлал, шийдвэр гаргах түвшинд эмэгтэйчүүдийн оролцоог нэмэгдүүлэх, чадавхижуулах хөтөлбөрүүд
- Эмэгтэйчүүдийн эдийн засгийн чадавхийг нэмэгдүүлэх хөтөлбөрүүд
- Орон нутгийн хөгжлийг дэмжих хөтөлбөрүүд
- Хяналт мониторингийн хөтөлбөрүүд
- Эрдэм шинжилгээ, судалгааны ажил