Либерал эмэгтэйчүүдийн оюуны сан ТББ нь 1992 онд байгуулагдсан нийгмийн ардчилал, шударга ёс, тэгш байдал, сайн засаглалыг бэхжүүлэх, хүний эрхийг хамгаалах тогтолцоог бий болгоход гишүүдээрээ дамжуулан хувь нэмрээ оруулах зорилготой, нийгэмд үйлчилдэг төрийн бус байгууллага юм.
ЛЭОС нь байгуулагдсан цагаасаа шийдвэр гаргах түвшинд эмэгтэйчүүдийн оролцоог нэмэгдүүлэх, иргэний нийгмийн байгууллагыг чадавхижуулах чиглэлээр 31 дэх жилдээ тогтвортой үйл ажиллагаа явуулж байгаа бөгөөд өнөөдөр 21 аймагт салбар зөвлөлтэй болж өргөжин тэлжээ.
Монгол улсад иргэний нийгэм төлөвшихөд хүчтэй нөлөө үзүүлэхүйц эмэгтэйчүүдийн ТББ-уудын үүсэн бий болоход ЛЭОС-ын оруулсан хувь нэмэр үнэлж баршгүй бөгөөд ЛЭОС-аас нийтдээ 36 Төрийн бус байгууллага салбарлан гарч үйл ажиллагаагаа явуулж байна.
ЛЭОС нь үүсэн байгуулагдсан цагаасаа олон салбарт тэргүүлэгч, анхдагч байсан бөгөөд үе үеийн гишүүд, дэмжигчид, түүний дотор орон нутгийн 21 аймгийн салбар зөвлөлийн гишүүдийнхээ нөр их хөдөлмөр зүтгэлээр энэхүү манлайллыг бий болгож чадсан юм.